Suthanthiramalar

“‘விஜயைப் போல நானும் மாபெரும் தலைவர்களுக்கு எதிராக நின்றேன்’ – சரத்குமார் பெருமிதம்!”

Suthanthira Malar — Fri, 15 Nov 2024 12:04:30 +0000

‘விஜய் மாறி நானும் உட்சபட்ச நடிகரா இருக்கும்போது தான் அரசியலுக்கு வந்தேன்.. 2 மாபெரும் தலைவர்களை எதிர்த்து நின்னேன்’ – சரத்குமார் பெருமிதம்..!!

Nandri Polimer News

“தமிழகத்தில் வேகமாக உருவாகும் புயல்: வானிலை மையம் வெளியிட்ட முக்கிய தகவல்!”

Suthanthira Malar — Fri, 15 Nov 2024 12:04:27 +0000

தமிழகத்தில் ஒரு காட்டு காட்ட வரும் இயற்கை.. வானிலை மையம் சொன்ன முக்கிய தகவல்

கன்னியாகுமரி, திருநெல்வேலி, தூத்துக்குடி, ராமநாதபுரம் உள்ளிட்ட பல்வேறு மாவட்டங்களில் இன்று கனமழை பெய்ய வாய்ப்புள்ளதாக வானிலை ஆய்வு மையம் தெரிவித்துள்ளது. vovt கடலோர தமிழகத்தில் அநேக இடங்களிலும், உள் தமிழகத்தில் ஒருசில இடங்களிலும், புதுச்சேரி மற்றும் காரைக்கால் பகுதிகளிலும், இடி, மின்னலுடன் கூடிய லேசானது முதல் மிதமான மழை பெய்யக்கூடும் என தெரிவிக்கப்பட்டுள்ளது. கன்னியாகுமரி, திருநெல்வேலி, தூத்துக்குடி, ராமநாதபுரம், தென்காசி, விருதுநகர், மதுரை, திண்டுக்கல், தேனி, சிவகங்கை, புதுக்கோட்டை, தஞ்சாவூர், திருவாரூர், நாகப்பட்டினம், மயிலாடுதுறை, கடலூர், விழுப்புரம், செங்கல்பட்டு மாவட்டங்கள், புதுச்சேரி மற்றும் காரைக்கால் பகுதிகளில் ஓரிரு இடங்களில் கனமழை பெய்ய வாய்ப்புள்ளதாக வானிலை மையம் தெரிவித்துள்ளது. சென்னை மற்றும் புறநகர் பகுதிகளில், அடுத்த 24 மணி நேரத்திற்கு வானம் ஓரளவு மேகமூட்டத்துடன் காணப்படும் என்றும், நகரின் ஒருசில பகுதிகளில் இடி, மின்னலுடன் கூடிய மிதமான மழை பெய்யக்கூடும் என்றும் தெரிவிக்கப்பட்டுள்ளது. தென்தமிழக கடலோரப்பகுதிகள், மன்னார் வளைகுடா மற்றும் அதனை ஒட்டிய குமரிக்கடல் பகுதிகளில் சூறாவளிக்காற்று மணிக்கு 35 முதல் 45 கிலோ மீட்டர் வேகத்திலும், இடையிடையே 55 கிலோ மீட்டர் வேகத்திலும் வீசக்கூடும் என்றும் வானிலை மையம் தெரிவித்துள்ளது.

Nandri Thanthi TV

“நியூசிலாந்து எம்.பி. ஹகா நடனம் | ஹானா ராவிதி மைபி | மௌரியின் கர்ஜனை! அதிர்ந்த நாடாளுமன்றம்”

Suthanthira Malar — Fri, 15 Nov 2024 12:04:23 +0000

“நியூசிலாந்து எம்.பி. ஹகா நடனம் | ஹானா ராவிதி மைபி | மௌரியின் கர்ஜனை! அதிர்ந்த நாடாளுமன்றம்”

Nandri News18

“கிண்டி மருத்துவமனையில் மீண்டும் சோக நிகழ்வு: நோயாளி விக்னேஷ் மரணம் | #KalaignarHospital | #KCSSH”

Suthanthira Malar — Fri, 15 Nov 2024 12:04:20 +0000

கிண்டி மருத்துவமனையில் மீண்டும் அதிர்ச்சி.. நோயாளி விக்னேஷ் மரணம்

Nandri Puthiya Thalaimurai TV

“உ.பி. அரசு பணியாளர் தேர்வாணையத்திற்கு எதிராக போராட்டம்: வேலை தேடுபவர்கள் சந்திக்கும் சிக்கல்கள் என்ன?”

Suthanthira Malar — Fri, 15 Nov 2024 12:04:17 +0000

உத்தர பிரதேச மாநிலத்தில் அரசு பணியாளர் தேர்வாணையத்தை கண்டித்து தொடர்ச்சியாக போராட்டம் நடைபெற்று வருகிறது. போராட்டம் குறித்து இப்பதிவில் காணலாம்.

உத்தர பிரதேச மாநிலத்தில், அரசு தேர்வாணையத்தால் முன்னெடுக்கப்பட்டுள்ள மாற்றங்களை கண்டித்து, தொடர்ந்து 4-வது நாளாக போராட்டம் நடைபெற்று வருகிறது.

புதிய மாற்றங்கள்:

நவம்பர் 5 ஆம் தேதி, UPPSC ஒரு அறிவிப்பை வெளியிட்டது. அதில் ஒரு தேர்வுக்கான விண்ணப்பதாரர்களின் எண்ணிக்கை ஐந்து லட்சத்தைத் தாண்டினால், அது பல ஷிப்டுகளில் தேர்வு நடத்தப்படும் எனத் தெரிவிக்கப்பட்டிருந்தது.

இதனால், 10 லட்சத்துக்கும் மேற்பட்ட விண்ணப்பதாரர்களுடன், RO/ARO தேர்வு, மூன்று ஷிப்டுகளாக டிசம்பர் 22 மற்றும் 23 ஆகிய தேதிகளில் நடைபெறும். PCS முதல்நிலைத் தேர்வு, 6 லட்சத்துக்கும் மேற்பட்ட விண்ணப்பதாரர்களுடன், டிசம்பர் 7 மற்றும் 8 ஆகிய தேதிகளில் இரண்டு ஷிப்டுகளாக நடத்தப்படும். மேலும், 41 மாவட்டங்களில் உள்ள அரசு மற்றும் அரசு உதவி பெறும் பள்ளிகளில் மட்டுமே தேர்வுகள் நடத்தப்படும்.

முன்னதாக, ஒரே நாளில் தேர்வு நடத்தப்பட்டு, தனியார் பள்ளிகளும் தேர்வு மையங்களாக நியமிக்கப்பட்டன.

ஒவ்வொரு ஷிப்டிலும் ஒப்பீட்டு செயல்திறன் அடிப்படையில், சாதாரணமயமாக்கலுக்கான கணினிமயமாக்கப்பட்ட ஃபார்முலாவை பயன்படுத்தி தேர்வர்கள் மதிப்பீடு செய்யப்படுவார்கள் என்றும் UPPSC கூறியது.

நியாயமான தேர்வு செயல்முறையை உறுதி செய்வதற்காக இந்த மாற்றங்கள் செய்யப்பட்டதாக தெரிவிக்கப்பட்டுள்ளது. இந்த ஆண்டு மார்ச் மாதம், வினாத்தாள் கசிவு புகார் காரணமாக பிப்ரவரியில் நடைபெற்ற RO மற்றும் ARO முதல்நிலை தேர்வை மாநில அரசு ரத்து செய்தது.

தேர்வர்கள் அதிருப்தி:

ஒரே தேர்வு வெவ்வேறு நாட்களில் நடத்தப்படும் போது, வினாத்தாள்கள் மாறுபடலாம், ஒரு செட் மற்றொன்றை விட கடினமானதாக இருக்கும் என்று கூறி, போராட்டக்காரர்கள் “ஒரே நாள், ஒரே ஷிப்ட் அட்டவணையை” கோருகின்றனர். இது பல பிரச்சனைகளுக்கு வழிவகுக்கும் என்று தேர்வர்கள் கூறுகின்றனர்.

சாதாரணமயமாக்கல் செயல்முறை, தகுதியான தேர்வர்களை “விலக்குவதற்கான உத்தி” என்று அவர்கள் குற்றம் சாட்டுகின்றனர்.

UPPSC அறிவிப்பு வெளியானவுடன், மாணவர்கள் தங்கள் எதிர்ப்பைக் காட்டத் தொடங்கினர். இந்த பிரச்சினை சமூக ஊடகங்களில் விவாதிக்கப்பட்டது. மேலும், தேர்வர்கள் பிரயாக்ராஜில் உள்ள UPPSC அலுவலகத்தில் போராட்டம் நடத்த முடிவு செய்தனர். திங்களன்று, மாநிலத்தின் பல்வேறு பகுதிகளில் இருந்து 10,000 க்கும் மேற்பட்டோர் பிரயாக்ராஜ் வந்தனர். அலுவலகம் அருகே கோஷம் எழுப்பியும், பதாகைகளை ஏந்தியவாறும் போராட்டத்தில் ஈடுபட்டனர்.

இந்த முடிவை ஆணையம் திரும்பப் பெறும் வரை போராட்டத்தை வாபஸ் பெற மாட்டோம் என போராட்டக்காரர்கள் கூறுகின்றனர்.

கமிஷன் உருவாக்கிய கணினிமயமாக்கப்பட்ட ஃபார்முலாவின்படி, ஒவ்வொரு தேர்வரின் சதவீத மதிப்பெண்களும் ஒவ்வொரு ஷிப்டிலும் உள்ள தேர்வர்களின் ஒப்பீட்டு செயல்திறனை அடிப்படையாகக் கொண்டிருப்பதால், அவர்கள் இந்த முறையை எதிர்க்கிறார்கள் எனக் கூறப்படுகிறது.

மேலும், “கடந்த காலங்களில் UPPSC அதிகாரிகள் ஊழல் செய்ததற்காக கைது செய்யப்பட்டுள்ளனர். ஜூன் 2019 இல், 2018 ஆம் ஆண்டின் LT கிரேடு உதவி ஆசிரியர் தேர்வில், வினாத்தாள் கசிவு குறித்து விசாரணை நடத்திய காவல்துறையினரால் அப்போதைய ஆணையத் தேர்வுக் கட்டுப்பாட்டாளர் கைது செய்யப்பட்டார்” என போராட்டக்காரர்கள் கூறுகின்றனர்.

தற்போது அறிவிக்கப்பட்டுள்ள 41 தேர்வு மையங்களுக்கு பதிலாக உ.பி.யின் அனைத்து மாவட்டங்களிலும் தேர்வு மையங்கள் அமைக்கப்பட வேண்டும் என்றும் போராட்டக்காரர்கள் விரும்புகின்றனர்.

UPPSC விளக்கம்:

தேர்வின் வெளிப்படைத்தன்மை மற்றும் விண்ணப்பதாரர்களின் வசதிக்காக இந்த மாற்றங்கள் செய்யப்பட்டுள்ளதாக UPPSC அதிகாரிகள் தெரிவித்துள்ளனர்.

பல ஷிப்டுகளில் தேர்வுகளை நடத்தும்போது, தேர்வின் தரத்தை நிலைநிறுத்துவதற்கு சாதாரணமயமாக்குதல் அவசியம் என்று அதிகாரி ஒருவர் கூறினார்.

“சதவீத அடிப்படையிலான சாதாரணமயமாக்குதல் முறை அவர்களின் நலனுக்காகவும், வினாத்தாள் கசிவைத் தடுக்கவும் உதவுகிறது என்பதை ஆர்வலர்களுக்கு விளக்குவதற்கு நாங்கள் எல்லா முயற்சிகளையும் மேற்கொண்டு வருகிறோம்” அதிகாரிகள் கூறுகின்றனர்.

UPPSC-யின் பல ஷிப்ட் தேர்வு செயல்முறை நாடு முழுவதும் உள்ள பல்வேறு மதிப்புமிக்க பணியாளர் தேர்வு அமைப்புகளால் பரவலாக ஏற்றுக்கொள்ளப்படுகிறது மற்றும் நீதிமன்ற தீர்ப்புகளால் ஆதரிக்கப்படுகிறது. நீட் தேர்வுக்காக உச்ச நீதிமன்றத்தால் அமைக்கப்பட்ட ராதாகிருஷ்ணன் கமிட்டியும் இரண்டு ஷிப்டுகளாக தேர்வை நடத்த பரிந்துரைத்தது. அதேபோல், சமீபத்தில் நடந்த போலீஸ் ஆள்சேர்ப்பு தேர்வு, இரண்டு ஷிப்டுகளாக நடந்தது.

குற்றச்சாட்டுகளின் பின்னணி:

குறிப்பிட்ட டெலிகிராம் சேனல்கள் மற்றும் யூடியூபர்கள் தேர்வை தாமதப்படுத்த முயற்சிப்பதாக விண்ணப்பதாரர்களிடமிருந்து கடிதம் வந்ததாக UPPSC கூறுகிறது. கடிதத்தின்படி, இந்த சேனல்கள் சாதாரணமயமாக்கல் செயல்முறை குறித்து குழப்பத்தை பரப்புகின்றன மற்றும் தேர்வர்களை தவறாக வழிநடத்துகின்றன.

சாதாரணமயமாக்கல் செயல்முறை தொடர்பாக தேர்வர்களிடமிருந்து பரிந்துரைகளை வரவேற்பதாக ஆணையம் கூறியுள்ளது.

Nandri indianexpress

ரிலையன்ஸ் ஜியோ… 11 ரூபாயில் 10GB டேட்டா… வாடிக்கையாளர்கள் மகிழ்ச்சி!

Suthanthira Malar — Fri, 15 Nov 2024 12:04:13 +0000

Reliance Jio: ரிலையன்ஸ் ஜியோ திரைப்பட ஆர்வலர்கள் மற்றும் இணைய பயனர்களுக்காக ஒரு சிறந்த ரீசார்ஜ் திட்டத்தை அறிமுகப்படுத்தியுள்ளது.

இணைய வசதி இல்லை என்றால், நமது அனைத்து வேலையும் ஸ்தபித்து விடும் நிலை உள்ளது.
தினசரி டேட்டா வரம்பு தீர்ந்து போகும் சமயத்தில், டேட்டா திட்டங்கள் கை கொடுக்கும்.
சில சமயங்களில் தினசரி டேட்டா வரம்பு தீர்ந்து போய், நமக்கு சிக்கல்களை உண்டாக்கலாம்.

இந்தியாவின் முன்னணி தொலைத்தொடர்பு நிறுவனங்களில் ஒன்றாக இருக்கு ரிலையன்ஸ் ஜியோ நிறுவனம். இந்த நிறுவனம் தனது ப்ரீபெய்டு வாடிக்கையாளர்களுக்காக புதிய ரீசார்ஜ் பிளான் ஒன்றை அறிமுகம் செய்துள்ளது. மொபைல் போன் பயன்படுத்துபவர்களுக்கான முக்கிய தேவைகளில் ஒன்று டேட்டா. இணைய வசதி என்னும் டேட்டா இல்லை என்றால், நமது அனைத்து வேலையும் ஸ்தபித்து விடும் நிலை உள்ளது. அந்த அளவிற்கு நமது பணிகள் அனைத்தும் இணையத்தை சார்ந்து உள்ளன. சில சமயங்களில் தினசரி டேட்டா வரம்பு தீர்ந்து போய், நமக்கு சிக்கல்களை உண்டாக்கலாம். அத்தகைய சமயத்தில், டேட்டா ஒன்லி அல்லது பூஸ்டர் போக்குகள் போன்ற டேட்டா திட்டங்கள் கை கொடுக்கும்.

திரைப்பட ஆர்வலர்கள் மற்றும் இணைய பயனர்களுக்காக,ரிலையன்ஸ் ஜியோ ஒரு சிறந்த திட்டத்தை அறிமுகப்படுத்தியுள்ளது. இந்த திட்டத்தில், 10 ஜிபி டேட்டா வெறும் 11 ரூபாய்க்கு கிடைக்கும். இந்த திட்டத்தில் 4G டேட்டா கிடைக்கும். ஜியோ (Relainace Jio) அறிமுகப்படுத்திய புதிய திட்டத்தை உங்கள் வழக்கமான திட்டத்துடன் சேர்த்து பயன்படுத்தலாம். தினசரி வரம்பு தரவு தீர்ந்துவிட்டால், பயனர்கள் இந்த பேக்கைப் பயன்படுத்தலாம்.

திரைப்படங்களைப் பார்ப்பவர்களுக்கு அல்லது அதிக அளவிலான ஜிபி கொண்ட கோப்புகள், வீடியோக்கள் புகைப்படங்கள் உள்ளிட்ட தரவுகளை பதிவிறக்கம் செய்பவர்களுக்கு இந்த பேக் மிகவும் பயனுள்ளதாக இருக்கும். ஆனால், ஜியோவின் இந்த திட்டத்தின் செல்லுபடியாகும் காலம் 1 மணிநேரம் மட்டுமே. நீங்கள் ஒரு பெரிய கோப்பை பதிவிறக்கம் செய்கிறீர்கள் அல்லது ஒரு திரைப்படத்தை பதிவிறக்கம் செய்கிறீர்கள் என்றால், இந்த பேக் உங்களுக்கு பயனுள்ளதாக இருக்கும். 1 ஜிபி டேட்டாவுக்கு 12 முதல் 15 ரூபாய் கொடுக்க வேண்டும் என்பதால், 11 ரூபாய்க்கு 10 ஜிபி கிடைத்தால், அது நிச்சயம் நஷ்டம் அல்ல.

இந்த திட்டத்தின் மிகப்பெரிய விஷயம் என்னவென்றால், இதை ப்ரீபெய்ட் மற்றும் போஸ்ட்பெய்ட் பயனர்கள் இருவரும் பயன்படுத்தலாம். போஸ்ட்பெய்டு பயனர்களுக்கு ரூ.11க்கு 10 ஜிபி டேட்டாவும் வழங்கப்படும் என்று நிறுவனம் தெரிவித்துள்ளது. இதை MyJio ஆப் அல்லது ஜியோ இணையதளத்தில் இருந்து ரீசார்ஜ் செய்யலாம். இந்த பேக்கின் சிறப்பு என்னவென்றால், பேஸ் பேக் திட்டத்துடன் அல்லது இல்லாமலும் பயன்படுத்தலாம்.

ஜியோ வழங்கும் பிற டேட்டா வவுச்சர்கள் மற்றும் பூஸ்டர் பேக்குகள்

₹49 திட்டம்: வரம்பற்ற 4ஜி டேட்டா, ஒரு நாள் வேலிடிட்டி கொண்டது.
₹175 திட்டம்: 10ஜிபி டேட்டா மற்றும் 10 OTT செயலிகளுக்கான அணுகல், 28 நாட்கள் வேலிடிட்டி கொண்டது.
₹219 திட்டம்: 30 ஜிபி டேட்டாவை வழங்குகிறது, 30 நாட்கள் வேலிடிட்டி கொண்டது.
₹359 திட்டம்: 50ஜிபி டேட்டா, நாட்கள் வேலிடிட்டி கொண்டது.

Nandri zeenews

UGC: கல்லூரி படிப்பில் புதிய மாற்றங்கள்; 1 ஆண்டு முன்னதாக பட்டப்படிப்பை முடிக்க முடியும் – யுஜிசி தலைவர் தகவல்.

Suthanthira Malar — Fri, 15 Nov 2024 12:04:10 +0000

UGC UG Degree Changes : உயர்கல்வியில் மாணவர்களின் நலன் மற்றும் திறன் மேம்பாட்டு ஆகியவற்றில் கவனம் செலுத்தப்படுவதாக யுஜிசி தலைவர் எம். ஜெகதீஷ் குமார் கூறியுள்ளார். அதன்படி, மாணவர்கள் விரும்பினால் இளங்கலை பட்டப்படிப்பை முன்கூட்டியே படித்து முடிக்கும் வகையில் புதிய நடைமுறை வரும் கல்வி ஆண்டில் அமல்படுத்தப்படும் என கூறியுள்ளார்.

UGC UG Degree New Changes : சென்னை கிண்டியில் உள்ள ஐஐடியில் தேசிய கல்விக்கொள்கையை நடைமுறைப்படுத்துவது தொடர்பாக தென்மண்டல அளவில் தன்னாட்சி கல்லூரிகளுக்கான ஒருநாள் கருத்தரங்கம் நடைபெற்றது. இதில் யுஜிசி தலைவர் எம். ஜெகதிஷ் குமார் கலந்துகொண்டார். இந்த நிகழ்ச்சியில் பேசிய அவர், மாணவர்கள் விரும்பினால் இளங்கலை பட்டப்படிப்பை முன்கூட்டியே படித்து முடிக்கும் வகையில் புதிய நடைமுறை வரும் கல்வி ஆண்டில் அமல்படுத்தப்படும் என தெரிவித்தார்.

தொழில்நுட்ப ரீதியாக முன்னேற்றம் :
இந்த நிகழ்ச்சியில் பேசிய யுஜிசி தலைவர் எம். ஜெகதிஷ் குமார், ”நம் நாடு தொழில்நுட்ப ரீதியாக மிக வேகமாக வளர்ந்து வருகிறது. 2047-ம் ஆண்டு இந்தியா வளர்ந்த நாடாக வேண்டும் என்று இலக்கு நிர்ணயித்துள்ளோம். அதன்படி, நாம் தொழில்நுட்ப ரீதியாக இன்னும் வேகமாக முன்னேற வேண்டும். பன்முகத்தன்மை கொண்ட இந்தியாவில் சமூக, பொருளாதார ரீதியில் நிறைய வேறுபாடுகள் உள்ளன. இத்தகைய சூழலில் அனைவருக்கும் உயர்கல்வி கிடைக்க செய்வது என்பது உண்மையிலேயே பெரிய சவாலானது.

பிரதமரின் வித்யாலட்சுமி கல்விக்கடன்
உயர்கல்வி நிறுவனங்களில் ஏழை மாணவர்கள் சேர்ந்து கல்வி பயிலும் வகையில் பிரதமரின் வித்யாலட்சுமி கல்விக்கடன் திட்டம் கொண்டு வரப்பட்டுள்ளது. இதன் மூலம் தலைசிறந்த கல்வி நிறுவனங்களில் ஏழை மாணவர்கள் படிக்க முடியும்.

தாய்மொழியில் உயர் கல்வி
ஆங்கிலத்தை தகவல் தொடர்புக்காக ஒரு மொழிப் பாடமாக படித்தால் போதுமானது. ஆங்கில மொழி பிரச்னையால் பெரும்பாலான மாணவர்களுக்கு உயர்கல்வி தடையாக இருக்கிறது. எனவே, அவர்களுக்கு தாய்மொழியில் உயர்கல்வி வழங்கப்பட வேண்டும் என வலியுறுத்திகிறோம். உலகில் முன்னேறிய நாடுகளில் தாய்மொழியில்தான் உயர்கல்வி வழங்கப்படுகிறது.

உயர்கல்வியில் சீர்த்திருத்தங்கள்
மாணவர்களின் வேலைவாய்ப்பு திறனை, சுயதொழில் ஆர்வத்தையும் மேம்படுத்தும் வகையில் திறன் சார்ந்த கல்லி அளிக்கப்பட வேண்டும். இதனை கருத்தின் கொண்டு உயர்கல்வியில் பல்வேறு சீர்த்திருத்தங்கள் கொண்டுவரப்படுகிறது. மாணவர்கள் சிறந்து விளங்கும் தொழில் திறனை அங்கீகரிக்கும் வகையில், தொழில் அறிவுக்கு கிரெடிட் வழங்குவது தொடர்பாக முடிவெடிக்கப்பட்டுள்ளது.

முன்கூட்டியே பட்டப்படிப்பை முடிக்கலாம்

வளர்ந்து வரும் தொழில்நுட்ப தேவைக்கு ஏற்ற சென்னை ஐஐடி இயக்குநர் காமகோடி தலைமையிலான நிபுணர் குழுவின் பரிந்துரையின் அடிப்படையில் மாணவர்கள் இளங்கலை பட்டப்படிப்பை முன்கூட்டியே படித்து முடிக்கும் புதிய முறைக்கும், அதே போன்று, படிப்பில் பின்தங்கிய மாணவர்கள் கூடுதல் கால அவகாசம் எடுத்துக்கொள்ளும் புதிய முறைக்கும் யுஜிசி கூட்டத்தில் ஒப்புதல் அளிக்கப்பட்டுள்ளது” என கூறினார்.

பட்டப்படிப்பிற்கான புதிய நடைமுறை
யுஜிசி தலைவர் தகவலின்படி, புதிய நடைமுறையில் மாணவர்கள் விரும்பினால் 4 ஆண்டு மற்றும் 3 ஆண்டு கால இளங்கலை பட்டப்படிப்பை 1 ஆண்டு அல்லது 6 மாதங்களுக்கு முன்னரே முடிக்கலாம். அதே போன்று, படிப்பில் சற்று பின்தங்கிய மாணவர்கள் விரும்பினால் 6 மாதங்கள் அல்லது 1 வருடம் கூடுதல் காலம் எடுத்துக்கொள்ளலாம். இந்த புதிய நடைமுறை வரும் கல்வி ஆண்டில் முதல் அமலுக்கு வருகிறது என தெரிவிக்கப்பட்டுள்ளது.

Nandri samayam

டெல்லியில் கடும் காற்று மாசு: நகரின் சில பகுதிகளில் அடர்த்தியான புகை படலம்

Suthanthira Malar — Thu, 14 Nov 2024 12:09:31 +0000

டெல்லியில் கடும் காற்று மாசு மாற்றால் தொடர்ந்து இரண்டாவது நாளாக பொதுமக்கள் பாதிக்கப்பட்டு வருகின்றனர். மத்திய மாசுக் கட்டுப்பாட்டு வாரியம் (CPCB) இன்று காலை 6 மணிக்கு பதிவு செய்த அளவின்படி, காற்றின் தரக் குறியீடு (AQI) 432 ஆக உள்ளது.

டெல்லியில் அடர்த்தியான புகை மூட்டம் நிலவிவரும் நிலையில் காற்றின் தரம் நேற்றை விட மேலும் மோசமடைந்துள்ளது. குறிப்பிட்ட சில பகுதிகளில் காற்றின் தரக் குறியீடு கடுமையாக குறைந்துள்ளது.

மத்திய மாசுக் கட்டுப்பாட்டு வாரியத்தால் வெளியிடப்பட்ட தரவுகளின்படி, ஆனந்த் விஹாரில் AQI 473, துவாரகாவில் 458, முண்ட்காவில் 460, சாந்தினி சௌக் 407 எனப் பதிவாகி உள்ளது.

24 மணி நேர சராசரி PM10 (365 ug/m3) மற்றும் PM2.5 அளவுகள் (224 ug/m3) காலை 7 மணி நிலவரப்படி அனுமதிக்கப்பட்ட வரம்புகளை விட நான்கு மடங்கு அதிகமாக உள்ளது. புகையின் அடர்த்தி காரணமாக டெல்லி நகரம் முழுவதும் தெரிவுநிலை குறைந்து, போக்குவரத்து பாதிக்கப்பட்டது.

அடர்ந்த மூடுபனியால் இந்திரா காந்தி சர்வதேச விமான நிலையம் (IGIA) குறைந்த தெரிவுநிலை நடைமுறைகளை வைத்துள்ளது. டெல்லி விமான நிலையத்தில் குறைந்த தெரிவுநிலை நடைமுறைகள் நடந்து வருகின்றன. அனைத்து விமானச் செயல்பாடுகளும் தற்போது இயல்பாக உள்ளதாகவும் விமானங்கள் நேரம் குறித்த புதிய அப்டேட்களுக்கு பயணிகள் சம்பந்தப்பட்ட விமான நிறுவனத்தைத் தொடர்பு கொள்ளுமாறு விமான நிலைய ஆபரேட்டர் டையல் X தளத்தில் பதி்விட்டுள்ளார்.

மோசமான வானிலை காரணமாக, குறைந்தது 10 விமானங்கள் திருப்பி விடப்பட்டதாகவும் ஏராளமான விமானங்கள் நேற்று தாமதமானதாகவும் கூறப்படுகிறது.

இந்த குளிர்காலத்தில் காற்றின் தரம் கடுமையான வகையில் பாதிக்கப்பட்டுள்ளது.

என்சிஆர் மற்றும் அதை ஒட்டிய பகுதிகளில் (CAQM) காற்றின் தரம் திடீரென சரிந்ததற்கு அடர்த்தியான மூடுபனியே காரணம் என்று காற்றுத் தர மேலாண்மை ஆணையம் குறிப்பிட்டுள்ளது. வலுவான காற்று காரணமாக, இன்று முதல் மாசுபடுத்தும் செறிவு குறைய வாய்ப்புள்ளது மற்றும் ஐஐடிஎம் முன்னறிவிப்பின்படி, AQI மிகவும் மோசமான பிரிவில் இருக்கும் என்று எதிர்பார்க்கப்படுகிறது.

மாசுபாட்டைக் கட்டுப்படுத்தும் முயற்சியில், அரசு கடுமையான கட்டுப்பாடுகளை விதித்துள்ளது. கட்டுமானம் மற்றும் இடிப்பு நடவடிக்கைகள் மற்றும் BS III பெட்ரோல் மற்றும் BS IV டீசல் LMVகள் (4-சக்கர வாகனங்கள்) ஓட்டுவதற்கு தடை விதிக்கப்பட்டுள்ளது.

Nandri indianexpress

அதிகாரமிக்க பதவி, இந்தியர்களுடன் இணைந்து பணி – அமெரிக்காவின் நிழல் அதிபராக Elon Musk? Trump’s Cabinet | America

Suthanthira Malar — Thu, 14 Nov 2024 12:09:24 +0000

அதிகாரமிக்க பதவி, இந்தியர்களுடன் இணைந்து பணி – அமெரிக்காவின் நிழல் அதிபராக Elon Musk? Trump’s Cabinet | America

Nandri NewsTamil 24×7

IND vs AUS: கம்பீரை நம்பாதீர்கள்! சச்சினை உடனே கொண்டு வரவேண்டும் – முன்னாள் வீரர் கோரிக்கை

Suthanthira Malar — Thu, 14 Nov 2024 12:09:21 +0000

மும்பை : நியூசிலாந்துக்கு எதிரான மூன்று போட்டிகள் கொண்ட தொடரில் இந்திய அணி படுதோல்வியை தழுவியது. இதில் இந்திய அணியின் நட்சத்திர வீரர்களான விராட் கோலி 6 இன்னிங்ஸில் 93 ரன்கள் ரோகித் சர்மா 6 இன்னிங்ஸில் 91 ரன்கள் மட்டுமே அடித்திருந்தார்கள்.

இந்த சூழலில் இந்திய அணி தற்போது ஆஸ்திரேலியாவுக்கு சுற்றுப்பயணம் மேற்கொண்டு விளையாடுகிறது. ஆஸ்திரேலிய மண்ணில் பேட்டிங் செய்வது மிகவும் கடினமாக கருதப்படுகிறது. தற்போது இந்திய அணியில் பல இளம் வீரர்கள் இருப்பதால் கம்பீர் அபிஷேக் நாயர் போன்றவர்கள் எப்படி பயிற்சி தரப் போகிறார்கள் என்று கவாஸ்கர் அண்மையில் கேள்வி எழுப்பியிருந்தார்.

இந்த நிலையில் தான் முன்னாள் கிரிக்கெட் வீரர் வி ராமன் பிசிசிஐக்கு ஒரு கோரிக்கை விடுத்திருக்கிறார். இதுகுறித்து கருத்து தெரிவித்துள்ள அவர், ஆஸ்திரேலிய மண்ணில் இந்திய அணி வெற்றி பெற வேண்டும் என்றால் சச்சின் டெண்டுல்கரை பேட்டிங் ஆலோசகராக பி சி சி ஐ அனுப்ப வேண்டும்.சச்சின் ஆஸ்திரேலியாவுக்கு சென்றால் நிச்சயாமாக இந்திய வீரர்கள் பயன்பெறுவார்கள். முதல் டெஸ்ட் போட்டிக்கு தற்போது நீண்ட காலம் இருக்கிறது. அது மட்டுமல்லாமல் முதல் மற்றும் இரண்டாம் டெஸ்ட் போட்டிக்கு இடையேயும் பத்து நாட்கள் இருக்கின்றது. இதனால் சச்சின் போன்ற ஆலோசகர்களை வெளிநாட்டு தொடருக்கு நியமிப்பது தற்போது அனைத்து அணிகளும் செய்யும் ஒரு விஷயம் தான். இந்த யோசனையை பிசிசிஐ எடுத்துக் கொள்ள வேண்டும் என்று அவர் கூறியுள்ளார்.

டபிள்யு வி ராமனின் இந்த கருத்துக்கு ரசிகர்கள் வரவேற்பு தெரிவித்திருக்கிறார்கள். சச்சின், லக்ஷ்மன் போன்ற வீரர்கள் பேட்டிங் ஆலோசகராக ஆஸ்திரேலியாவுக்கு செல்ல வேண்டும் என்றும் பலரும் வலியுறுத்தி இருக்கிறார்கள். கடந்த 10 ஆண்டுகளுக்கு முன்பு இங்கிலாந்தில் நடைபெற்ற ஐந்து டெஸ்ட் போட்டிக் கொன்ற தொடரில் விராட் கோலி மொத்தமாகவே 134 ரன்கள் தான் அடித்து இருந்தார்.

அதன் பிறகு இந்தியா வந்தவுடன் மும்பையில் சச்சினை சந்தித்து கோலி, பயிற்சி பெற்றார். அதன் பிறகு ஆஸ்திரேலியாவில் நடைபெற்ற டெஸ்ட் தொடரில் விராட் கோலி சதம் சதமாக அடித்து இருந்தார். இதனால் சச்சின், லக்ஷ்மன் போன்ற வீரர்கள் தற்போது ஆஸ்திரேலியாவில் இருந்தால் அது இந்திய அணிக்கு நன்மையை கொடுக்கும் விஷயமாக இருக்கும்.

Nandri mykhel