UGC – UG Biannual Admission Changes : தேசிய கல்வி கொள்கை 2020 அடிப்படையில், இளங்கலை படிப்புகளில் யுஜிசி புதிய மாற்றங்களை கொண்டுவரப்பட்டுள்ளது. இதற்கான வரைவு அறிக்கையை யுஜிசி வெளியிட்டுள்ளது. இந்த புதிய நடைமுறைபடி, கல்லூரிகளில் மாணவர்கள் சேர்க்கை ஆண்டுக்கு இரண்டு முறை நடைபெறும். மேலும், 12-ம் வகுப்பில் எந்த பிரிவில் படித்திருந்தாலும், உயர்கல்வியை விரும்பிய துறையில் தேர்வு செய்யலாம். நுழைவு தேர்வின் மூலம் மாணவர்கள் விரும்பும் இளங்கலை, முதுகலை படிப்புகளில் சேரலாம் உள்ளிட்ட முக்கிய அம்சங்கள் வரைவு அறிக்கையில் தெரிவிக்கப்பட்டுள்ளது.
UGC UG/PG Courses Major Changes : தேசிய கல்வி கொள்கையின்படி, உயர்கல்வியில் பல்வேறு மாற்றங்களை கொண்டு வரும் யுஜிசி, உயர்கல்வியில் சேர்க்கையிலும், மாணவர்களுக்கான பாட தேர்விலும் அதிரடியாக சில மாற்றங்களை வரையறுத்துள்ளது. இதற்கான வரைவு அறிக்கை வெளியாகியுள்ளது. யுஜிசி-யின் வரைவு அறிக்கையின் முக்கிய அம்சங்களை இந்த பதிவில் பார்க்கலாம்.
ஆண்டுக்கு இரண்டு முறை மாணவர்கள் சேர்க்கை
புதிய முறைப்படி, உயர்கல்வியில் மாணவர்கள் சேர்க்கை ஆண்டுக்கு இரண்டு முறை நடைபெறும். அதாவது, ஜூலை/ ஆகஸ்ட் மாதத்தில் ஒரு முறையும், ஜனவரி/ பிப்ரவரி மாதத்தில் ஒரு முறையும் என இரண்டு முறை மாணவர்கள் சேர்க்கை நடைபெறும். இதனால் மாணவர்கள் அடுத்த கல்வி ஆண்டு வரை காத்திருக்காமல் தாங்கள் விரும்பிய பாடங்களை தேர்வு செய்து இடையில் மாறிக்கொள்ள முடியும் என கூறப்பட்டுள்ளது.