எனது திரையுலக பயணத்தில், வணங்கான் ஒரு மிக முக்கியமான பாகமாக அமையும் என்பதில் எனக்கு துளி அளவும் சந்தேகமில்லை.’’ என்று தெரிவித்திருந்தார்.
பாலா இயக்கத்தில் நடிகர் அருண் விஜய் நடிப்பில் தயாராகியுள்ள ‘வணங்கான்’ படத்தின் ரிலீஸ் தேதி அறிவிக்கப்பட்டுள்ளது.
2018-ல் பாலாவின் ‘நாச்சியார்’ வெளிவந்தது. அதுதான் அவரது இயக்கத்தில் வெளிவந்த கடைசிப் படம். அதற்கு முன் ‘தாரை தப்பட்டை’ 2016-ல் வெளியானது. இவ்விரு படங்களும் பாலாவுக்கு எதிர்பார்த்த வெற்றியை அளிக்கவில்லை. இதனைத் தொடர்ந்து சூர்யாவை வைத்து ‘வணங்கான்’ என்ற படத்தின் அறிவிப்பை வெளியிட்டார் பாலா. இதன் படப்பிடிப்பு சில நாட்கள் நடைபெற்ற நிலையில், கருத்து வேறுபாடு காரணமாக நடிகர் சூர்யா இந்தப் படத்திலிருந்து விலகினார்.
இதன்பின்னர் அருண் விஜய் முன்னணி கேரக்டரில் நடிப்பார் என்ற அறிவிப்பு வெளியிடப்பட்டு, ஷூட்டிங் விறுவிறுப்பாக நடைபெற்று வந்தது. படப்பிடிப்பு அனைத்தும் முடிந்து தற்போது படம் வெளியீட்டுக்கு தயாராக உள்ளது. சில மாதங்கள் முன் ‘வணங்கான்’ பட ட்ரெய்லர் வெளியாகி ரசிகர்கள் மத்தியில் வரவேற்பை பெற்றது.
தொடர்ந்து படத்தை நேற்று பார்த்த நடிகர் அருண் விஜய், இயக்குநர் பாலாவை பாராட்டி பதிவிட்டிருந்தார். அதில், ‘‘நம் படப்பிடிப்பின் பொழுதுகூட இக்கதையின் பாதிப்பை நான் முழுமையாக உணரவில்லை. ஆனால் அதனை இப்பொழுது வெள்ளித்திரையில் காண்கையில், என் உணர்ச்சிகளை வெளிப்படுத்த வார்த்தைகள் இல்லை. என் பெற்றோரை பெருமையில் நெகிழ்வடைய செய்தமைக்கு உங்களை வணங்குகிறேன்.
எனது திரையுலக பயணத்தில், வணங்கான் ஒரு மிக முக்கியமான பாகமாக அமையும் என்பதில் எனக்கு துளி அளவும் சந்தேகமில்லை.’’ என்று தெரிவித்திருந்தார்.
இதற்கிடையே, இன்று அருண் விஜயின் பிறந்தநாளை முன்னிட்டு ‘வணங்கான்’ பட ரிலீஸ் தேதி அறிவிக்கப்பட்டுள்ளது. அதன்படி, ‘வணங்கான்’ திரைப்படம் 2025 பொங்கலுக்கு வெளியாகவுள்ளது எனப் படக்குழு அறிவித்துள்ளது. அருண் விஜயின் பிறந்தநாளை ஒட்டி சிறப்பு போஸ்டர் வெளியிட்டு படத் தயாரிப்பு நிறுவனம் ரிலீஸ் தேதியை அறிவித்துள்ளது.
Nandri news18
தித்திக்கும் உங்களின் இப் பிறந்த நாளில் தமிழர் திருநாளாம் பொங்கல் நாளில் வணங்கான் வெளியீடு என்ற கரும்பின் சுவையைப் பரிசாகத் தருகிறோம். மகிழ்ச்சியின் இனிப்பு மனதாரப் பரவி, புன்னகை என்றும் எங்கும் வழிந்தோடி, வெற்றியின் பிள்ளைகளைத் தாலாட்டி வென்று வாழ இயற்கையும்.. இறையும் துணை… pic.twitter.com/VDLXKrCoHR
— sureshkamatchi (@sureshkamatchi) November 19, 2024