Central Govt Jobs: சென்னையில் மத்திய அரசு நிறுவனத்தில் வேலை; 12-ம் வகுப்பு தேர்ச்சி போதுமானது – விண்ணப்பிக்கும் முறை!

PM Internship Scheme 2024 Registration : 2024-25 நிதியாண்டிற்கான மத்திய பட்ஜெட் கூட்டத்தில் மாணவர்களுக்கு பணிவாய்ப்புகளை அதிகரிக்கும் வகையில் முன்னணி நிறுவனங்களில் உதவித்தொகையுடன் கூடிய தொழிற்பயிற்சி அளிக்கப்படும் என அறிவிக்கப்பட்டது. அதன்படி, பிரதமர் பயிற்சி திட்டத்தை மத்திய அரசு தொடங்கியுள்ளது. இதன் மூலம் வரும் டிசம்பரில் முன்னணி நிறுவனங்களில் சுமார் 1.25 லட்சம் மாணவர்களுக்கு பயிற்சி வழங்கப்படவுள்ளது. இந்நிலையில், தொழிற்பயிற்சிக்கு விண்ணப்பிக்க விரும்புகிறவர்கள் ஆன்லைன் வழியாக பதிவு செய்து விண்ணப்பிக்கலாம். இத்திட்டம் மூலம் தொழிற்பயிற்சிக்கு தேர்வு செய்யப்படுபவர்களுக்கு மாதம் ரூ.5,000 ஊக்கத்தொகையாக வழங்கப்படும். இதற்கு விண்ணப்பிக்க இன்றே கடைசி நாள் ஆகும்.

பிரதமர் தொழிற்பயிற்சி திட்டம் 2024 :
இந்தியாவில் இளைஞர்களை வேலைக்கான திறன் மற்றும் சூழலுக்கு தயார் செய்யும் வகையில், நிறுவனங்களில் பயிற்சி அளிக்க மத்திய அரசு முடிவு செய்துள்ளது. சமீப காலமாக திறன்மிகு ஊழியர்களின் தேவை அதிகரித்துள்ளது. தொழிற்பயிற்சி என்பது முதன்முதலில் பணிக்கு சேருபவர்களுக்கு ஒரு அலுவலக பணி, தொழில்நுட்பம் குறித்த புரிதலை ஏற்படுத்தி, தனக்கான எதிர்கால பணி வாய்ப்புகளை அதிகரித்துக் கொள்ள உதவுகிறது. தொழிற்பயிற்சி காலத்தில் துறை சார்ந்த திறன்களை ஒருவர் மேம்படுத்திக் கொள்ள முடியும். இதை நோக்கமாக கொண்டு அறிமுகப்படுத்தப்பட்ட திட்டம் தான் பிரதமர் தொழிற்பயிற்சி திட்டம். 5 வருடங்களில் முன்னணி நிறுவனங்களில் 1 கோடி இளைஞர்களுக்கு தொழிற்பயிற்சி அளிக்கப்படும் என மத்திய பட்ஜெட்டில் அறிவிக்கப்பட்டது. அதன்படி இந்தாண்டு 1.25 லட்சம் மாணவர்களுக்கு நிறுவனங்களில் பயிற்சி அளிக்கும் வண்ணம் பிரதமர் பயிற்சி திட்டம் 2024 தொடங்கப்பட்டுள்ளது.

முன்னணி நிறுவனங்களில் தொழிற்பயிற்சி :
மஹிந்திரா & மஹிந்திரா, மேக்ஸ் லைஃப், அலெம்பிக் பார்மா, டிசிஎஸ் உள்ளிட்ட 500 முன்னணி நிறுவனங்களில் மாணவர்களுக்கு பயிற்சி வழங்கப்படும். இதனால், நிறுவனங்களில் நேரடி செயல்பாடுகள் மற்றும் பணி அனுபவத்தை மாணவர்கள் பெறமுடியும். வேலைக்கு தேவையான திறன்களை பயிற்சி காலத்தில் மாணவர்கள் மேம்படுத்திக்கொள்ள முடியும்.