சென்னை: சசிக்குமார் கோலிவுட்டின் முக்கியமான இயக்குநர்களில் ஒருவர். இரண்டு படங்கள் மட்டுமே அவர் இயக்கியிருந்தாலும் அந்த இரண்டு படங்களும் இன்றுவரை கொண்டாடப்பட்டுக்கொண்டிருக்கிறது. அதிலும் சுப்ரமணியபுரம் திரைப்படம் தமிழ் சினிமாவில் பெரும் தாக்கத்தை ஏற்படுத்தியது. ஆனால் அந்த இரண்டு படங்களுக்கு பிறகு சசிக்குமார் படங்கள் இயக்கவில்லை. மாறாக நடிப்பில் தீவிர கவனம் செலுத்திவருகிறார். அவரது நடிப்பில் நாளை நந்தன் திரைப்படம் வெளியாகவிருக்கிறது.
செம ப்ரோமோஷன்: இந்நிலையில் படத்தின் ப்ரோமோஷன் வீடியோவை வெளியிட்டிருக்கிறது படக்குழு. பொதுவாக ஒரு படக்குழு தங்களது படத்தின் ப்ரோமோஷனுக்கு செலிபிரிட்டிகளை பிடிப்பார்கள். இந்த ப்ரோமோஷன் வீடியோவில் முதலில் சீமான், மிஷ்கின் உள்ளிட்டோரிடம் படக்குழு ப்ரோமோஷன் பற்றி பேசுவது போன்ற காட்சிகள் இடம்பெறுகின்றன. பிறகு மக்களிடம் நேரடியாக சென்று அவர்களை படம் பார்க்க அழைப்பது போன்றும்; மக்களும் படத்தை பார்த்துவிட்டு பாராட்டுவது போன்ற காட்சிகளும் இடம்பெற்றிருக்கின்றன. மக்களும் படத்தை வெகுவாகவே பாராட்டியிருக்கிறார்கள் என்பது குறிப்பிடத்தக்கது.
நன்றி filmibeat