புதுச்சேரியில் நடைபெற்று வரும் முழு அடைப்பு போராட்டத்தால் அங்கு பொதுமக்களின் இயல்பு வாழ்க்கை கடுமையாக பாதிக்கப்பட்டுள்ளது.
புதுச்சேரி முழு அடைப்பு போராட்டம்:
புதுச்சேரியில் இன்று நடைபெற்று வரும் முழு அடைப்பு போராட்டத்தின் காரணமாக பத்தாயிரத்திற்கும் மேற்பட்ட வணிக நிறுவனங்கள் அடைக்கப்பட்டுள்ளது. மேலும் ஆட்டோ, டெம்போ மற்றும் தனியார் பேருந்துகள் இயங்காததால் பொதுமக்களின் இயல்பு வாழ்க்கை வெகுவாக பாதிக்கப்பட்டுள்ளது.
புதுச்சேரியில் உயர்த்தப்பட்ட மின் கட்டணத்தை திரும்ப பெற வேண்டும், ப்ரிபெய்டு மின் மீட்டர் திட்டம் மற்றும் மின் துறை தனியார் மயமாவதை கைவிட வேண்டும் என்பன போன்ற கோரிக்கைகளை வலியுறுத்தி இந்தியா கூட்டணி கட்சிகள் சார்பில் இன்று முழு அடைப்பு போராட்டம் நடத்த போவதாக அறிவித்திருந்தனர்.