பிரபல நகைச்சுவை நடிகர் யோகிபாபுவிற்கு அஜித் கொடுத்த அட்வைஸ் பற்றி வெளியான தகவல்
அஜித் குமார் தமிழ் சினிமாவில் முன்னணி நடிகர்களில் ஒருவர். தற்போது மகிழ் திருமேனியின் இயக்கத்தில் உருவாகும் விடாமுயற்சி என்ற திரைப்படத்தில் நடித்து முடித்துள்ளார். இப்படத்தின் படப்பிடிப்பு எல்லாம் முடிவடைந்து தற்போது போஸ்ட் ப்ரொடக்ஷன் பணிகள் விறுவிறுப்பாக போய்க்கொண்டிருக்கிறது. பல இழுபறிக்கு பிறகு இப்படத்தின் படப்பிடிப்பு முடிவடைந்திருக்கும் நிலையில் தீபாவளியை முன்னிட்டு இப்படம் வெளியாகும் என்ற எதிர்பார்ப்பில் ரசிகர்கள் இருக்கின்றனர்.
ஆனால் தீபாவளியை முன்னிட்டு இப்படம் வெளியாக வாய்ப்பில்லை என்றே தெரிகின்றது. படத்தின் போஸ்ட் ப்ரொடக்ஷன் பணிகள் முடிவடைய தாமதமாகும் என்பதால் இப்படத்தை நவம்பர் அல்லது டிசம்பர் மாதம் வெளியிட படக்குழு முடிவெடுத்துள்ளதாக தெரிகின்றது. விடாமுயற்சி படத்தை தொடர்ந்து அஜித் ஆதிக் ரவிச்சந்திரனின் இயக்கத்தில் உருவாகும் குட் பேட் அக்லி திரைப்படத்திலும் நடித்து வருகின்றார்.
மாஸான கமர்ஷியல் படமாக உருவாகிவரும் குட் பேட் அக்லி படப்பிடிப்பு தற்போது அடுத்தகட்டத்தை எட்டியிருக்கிறது. இதைத்தொடர்ந்து குட் பேட் அக்லி திரைப்படம் பொங்கல் பண்டிகையை முன்னிட்டு வெளியாகும் என அதிகாரபூர்வமாக அறிவிக்கப்பட்டுள்ளது.
இந்நிலையில் இதெல்லாம் ஒருபக்கம் இருக்க தற்போது அஜித்தை பற்றி ஒரு சர்ச்சை பரவி வருகின்றது. பிரபல நகைச்சுவை நடிகர் யோகி பாபுவை நடிகர் ஒருவர் தன்னை தொடாதே என கூறியதாக இணையத்தில் ஒரு தகவல் பரவியது. இதையடுத்து பலரும் அஜித் தான் அந்த நடிகர் என வதந்திகளை பரப்ப துவங்கிவிட்டனர். எனவே பலர் அஜித்தை கடுமையாக விமர்சித்து வந்தனர்.
இந்நிலையில் யோகி பாபு பல பேட்டிகளில் அஜித்தை பற்றி உயர்வாக பேசியதை ரசிகர்கள் ஷேர் செய்து வருகின்றனர். அதுமட்டுமல்லாமல் இந்த பிரச்சனை தற்போது மீண்டும் பரபரப்பாக பேசப்படும் நிலையில் யோகி பாபுவே அஜித்துடன் எடுத்த புகைப்படத்தை இன்று ட்விட்டரில் பதிவிட்டு இந்த வதந்திக்கு முற்றுப்புள்ளி வைத்திருக்கின்றார்.