தனுஷின் இயக்கத்திலும் நடிப்பிலும் வெளியான ராயன் திரைப்படம் வெற்றிநடைபோட்டு வருகின்றது. சன் பிக்சர்ஸ் தயாரிப்பில் ஏ.ஆர் ரஹ்மானின் இசையில் தனுஷ், சந்தீப் கிஷன், காளிதாஸ் ஜெயராம், செல்வராகவன், எஸ்.ஜெ சூர்யா என பலரது நடிப்பில் உருவான இப்படத்தை தனுஷே இயக்கியிருந்தார். 2017 ஆம் ஆண்டு பா.பாண்டி என்ற படத்தின் மூலம் இயக்குனராக களமிறங்கினார் தனுஷ்.
ராஜ்கிரண் மற்றும் ரேவதியின் நடிப்பில் பீல் குட் படமாக வெளியான பா.பாண்டி மிகப்பெரிய வெற்றியை பெற்றது. அதன் பிறகு ஏழு வருடங்கள் கழித்து மீண்டும் ராயன் படத்தின் மூலம் இயக்குனராக களமிறங்கினார் தனுஷ்.தனுஷின் ஐம்பதாவது திரைப்படத்தை அவரே இயக்கியுள்ளதால் இப்படத்திற்கு மிகப்பெரிய எதிர்பார்ப்பு இருந்து வந்தது.
இந்த எதிர்பார்ப்பிற்கு மத்தியில் வெளியான ராயன் திரைப்படம் ரசிகர்களின் மாபெரும் வரவேற்பை பெற்று வெற்றிகரமாக போய்க்கொண்டிருக்கிறது. ரத்தம் தெறிக்க தெறிக்க ஆக்ஷன் படமாக உருவான ராயன் படத்திற்கு என்னதான் A சான்றிதழ் கிடைத்திருந்தாலும் வசூலில் சக்கைபோடு போட்டு வருகின்றது. படம் வெளியான மூன்றே நாட்களில் 75 கோடிக்கு மேல் இப்படம் வசூலித்துள்ளது
போக போக ராயன் படத்தின் வசூல் அதிகரித்தே வருவதால் தனுஷ் இப்படத்தின் மூலம் வசூலில் புது சாதனை படைப்பார் என்றே எதிர்பார்க்கப்படுகின்றது. தனுஷின் நடிப்பில் கடைசியாக வெளியான கேப்டன் மில்லர் திரைப்படத்தின் ஒட்டுமொத்த வசூலையும் ராயன் திரைப்படம் மூன்றே நாட்களில் பெற்றுவிட்டது.
இந்நிலையில் தனுஷின் நடிப்பு மற்றும் இயக்கத்தில் வெளியான ராயன் திரைப்படம் மாபெரும் வெற்றியை பெற்ற பிறகு தனுஷின் ஒரு சில ரசிகர்கள் சிம்புவின் ரசிகர்களை சீண்டியிருக்கின்றனர். தமிழ் சினிமாவில் எப்போதுமே தனுஷ் மற்றும் சிம்பு போட்டி நடிகர்களாகவே பார்க்கப்படுகின்றனர். அந்த வகையில் தனுஷின் ராயன் படம் ஹிட்டாகியுள்ளதால் சிம்புவை சில ரசிகர்கள் சீண்டியுள்ளனர்.
குறிப்பாக சிம்பு தற்போது தக்லைப் திரைப்படத்தில் நடித்து வருகின்றார். கமலுடன் இணைந்து தக்லைப் படத்தில் சிம்பு நடித்து வருவதால் இப்படத்தில் சிம்பு ஹீரோ கிடையாது, கமல் தான் ஹீரோ. சிம்பு தற்போது செகண்ட் ஹீரோவாக நடித்து வருகின்றார் என ஒரு சில தனுஷ் ரசிகர்கள் பேசியுள்ளனர். இதைத்தொடர்ந்து சிம்புவின் ரசிகர்கள் சிலரோ, தக்லைப் படத்தில் சிம்பு தான் ஹீரோ என சொல்ல தற்போது தனுஷ் மற்றும் சிம்புவின் ரசிகர்கள் மோதல் முற்றியுள்ளது.
இந்த மோதலுக்கு எப்போது எண்டு கார்டு போடப்படும் என்பதே தெரியாமல் உள்ளது. சமீபகாலமாக சிம்பு மற்றும் தனுஷ் ரசிகர்கள் எந்த மோதலில் ஈடுபடாமல் இருந்து வந்த நிலையில் தற்போது ராயன் படத்திற்கு பிறகு மீண்டும் மோதலில் இறங்கியிருக்கின்றனர்.
நன்றி tamil.samayam