CBIC Recruitment 2024 : மத்திய வரி மற்றும் சுங்கத் துறையின் ஹைதராபாத்தில் உள்ள சரக்கு மற்றும் சேவை வரி மற்றும் சுங்க வரி பிரிவில் பணியிடங்களில் விளையாட்டு வீரர் கோட்டாவில் நிரப்புவதற்கான அறிவிப்பு வெளியாகியுள்ளது. இப்பதவிகளுக்கு தகுதியானவர்கள் விண்ணப்பிக்கலாம் என தெரிவிக்கப்பட்டுள்ளது. இதற்கான முழு விவரங்களை இந்த பதிவில் பார்க்கலாம்.
Central Tax and Customs Department 2024 – பணியின் விவரங்கள்
| பதவியின் பெயர் | காலிப்பணியிடங்கள் |
| வரி உதவியாளர் | 7 |
| ஸ்டெனோகிராபர் | 1 |
| ஹவால்தார் | 14 |
விளையாட்டு வீரர்களுக்கான தகுதிகள் :
இப்பதவிகளுக்கு விண்ணப்பிக்க விளையாட்டு வீரர்கள் சர்வதேச அளவிலான போட்டிகள், தேசிய அளவிலான போட்டிகள், பல்கலைக்கழகங்களுக்கு இடையிலான போட்டிகள், பள்ளிகளுக்கான தேசிய விளையாட்டுகள், கேலோ இந்தியா ஆகிய விளையாட்டு போட்டிகளில் 2023, 2022, 2021, 2020,2019 ஆகிய வருடங்களில் கலந்துகொண்டவர்களாக இருக்க வேண்டும். சுமார் 65 விளையாட்டு பிரிவு வீரர்கள் இப்பணியிடங்களுக்கு விண்ணப்பிக்கலாம்.
வயது வரம்பு :
இப்பணியிடங்களுக்கு 19.08.2024 ஆம் தேதியின் படி, குறைந்தபட்சம் 18 வயது முதல் அதிகபடியாக 27 வயது வரை இருக்க வேண்டும். ஒபிசி கூடுதலாக 3 வருடங்கள், எஸ்சி/எஸ்டி பிரிவினருக்கு 5 வருடங்கள் வயது வரம்பில் தளர்வு உள்ளது.
சம்பள விவரம் :
- வரி உதவியாளர் பதவிக்கு நிலை 4-இன் படி ரூ.25,500 முதல் ரூ.81,100 வரை வழங்கப்படும்.
- ஸ்டெனோகிராபர் பதவிக்கு நிலை 4-இன் படி ரூ.25,500 முதல் ரூ.81,100 வரை சம்பளம் வழங்கப்படும்.
- ஹவால்தார் பதவிக்கு நிலை 1-இன் படி, ரூ.18,000 முதல் ரூ.59,900 வரை சம்பளம் வழங்கப்படும்.
கல்வித்தகுதி :
- வரி உதவியாளர் பதவிக்கு அங்கீகரிக்கப்பட்ட பல்கலைக்கழகத்தில் டிகிரி முடித்திருக்க வேண்டும். அடிப்படை கணினி திறன், தட்டச்சு தெரிந்திருக்க வேண்டும்.
- ஸ்டெனோகிராபர் பதவிக்கு 12ஆம் வகுப்பு தேர்ச்சி பெற்றிருக்க வேண்டும். மேலும் தட்டச்சு திறன் தேர்வு நடத்தப்படும்.
- ஹவால்தார் பதவிக்கு 10ஆம் வகுப்பு தேர்ச்சி மற்றும் உடற்தகுதி தரநிலைக்கு உட்பட்டு இருக்க வேண்டும்.
தேர்வு செய்யப்படும் முறை :
இப்பதவிகளுக்கு தகுதியானவர்கள் விண்ணப்பத்தாரர்களில் இருந்து தெரிவு செய்யப்பட்டு கள சோதனைக்கு அழைக்கப்படுவர். இதில் தேர்வு செய்யப்படுவர்களுக்கு எழுத்துத் தேர்வு நடைபெறும். வரி உதவியாளர் மற்றும் ஸ்டெனோகிராபர் பதவிக்கு திறன் தேர்வு உண்டு.
விண்ணப்பிக்கும் முறை :
இப்பதவிகளுக்கு விண்ணப்பிக்க விரும்புகிறவர்கள் https://www.cbic.gov.in/ மற்றும் https://cgsthyderabadzone.gov.in/ என்ற இணையத்தளத்தில் கொடுக்கப்பட்டுள்ள விண்ணப்பப்படிவத்தைப் பூர்த்தி செய்து தபால் வழியாக அனுப்பி விண்ணப்பிக்க வேண்டும். மேலும் விவரங்களை மேல் குறிப்பிட்டுள்ள இணையத்தளம் வழியாக அறிந்துகொள்ளலாம்.
முக்கிய நாட்கள் :
| விவரம் | முக்கிய நாட்கள் |
| விண்ணப்பிக்க கடைசி நாள் | 19.08.2024 |
| கள சோதனை | பின்னர் அறிவிக்கப்படும் |
| எழுத்துத் தேர்வு/நேர்காணல் | பின்னர் அறிவிக்கப்படும் |
மத்திய வரி மற்றும் சுங்கத் துறையின் ஹைதராபாத் பிரிவில் உள்ள பணியிடங்களில் விளையாட்டு வீரர் கோட்டாவில் உள்ள இப்பணியிடங்களுக்கு தகுதியானவர்கள் அறிவிப்பை படித்து தேவையான ஆவணங்களுடன் விண்ணப்பிக்கவும்.