பூஜையுடன் துவங்கியது D55 படம்: அமரன் ராஜ்குமார் பெரியசாமி இயக்கத்தில், அசுரன் தனுஷ் நடிக்கும் படம்.

ராஜ்குமார் பெரியசாமி இயக்கத்தில் தனுஷ் நடிக்கிறார் என தகவல் வெளியானது. அந்த தகவல் உண்மை தான். ராஜ்குமார் பெரியசாமி இயக்கத்தில் தனுஷ் நடிக்கும் படத்தை தற்போதைக்கு டி55(D55) என அழைக்கிறார்கள்.

டி55 படத்தின் பூஜை சென்னையில் நடைபெற்றது. கோபுரம் ஃபிலிம்ஸ் தயாரிக்கும் டி55 பட பூஜையின்போது எடுக்கப்பட்ட புகைப்படங்களை சமூக வலைதளத்தில் வெளியிட்டு நல்ல செய்தியை ரசிகர்களுடன் ஷேர் செய்திருக்கிறார்கள்.

கோபுரம் ஃபிலிம்ஸ் மூலம் அன்புச்செழியன் தயாரிக்கும் டி55 படம் குறித்து தான் தற்போது பரபரப்பாக பேசப்படுகிறது. பட பூஜை புகைப்படத்தில் தனுஷுடன் இயக்குநர் வெற்றிமாறனும் மாலையும், கழுத்துமாக நிற்கிறார். ராஜ்குமார் பெரியசாமி படத்தில் வெற்றிமாறன் என்ன செய்கிறார் என்கிற தகவல் இதுவரை வெளியாகவில்லை.

எது எப்படியோ, வெற்றிமாறன்-தனுஷ் கூட்டணி ராசியானது ஆகும். அதனால் டி55 படம் ராசியான கூட்டணியில் துவங்கியிருக்கிறது எனலாம். டி55 பூஜை போட்டாலும் படப்பிடிப்பு இன்றே துவங்கவில்லை. அந்த படத்தில் யார், யார் நடிக்கிறார்கள் என்கிற விபரம் இனி வரும் நாட்களில் வெளியாகும் என எதிர்பார்க்கப்படுகிறது.