இ.ஓ.எஸ்-8 செயற்கைக் கோள் மூன்று பேலோடுகளைக் கொண்டு அனுப்பபட்டுள்ளது.
புவி கண்காணிப்பு செயற்கைக் கோள்-8- ஐ (EOS-8) ஆகஸ்ட் 15 ஆம் தேதி விண்ணில் ஏவப்படும் என இஸ்ரோ வட்டாரங்கள் செவ்வாய்க்கிழமை தெரிவித்தன.
EOS-8 சிறிய செயற்கைக்கோள் ஏவுதல் வாகனம் (SSLV)-D3 மூலம் ஏவப்படும் எனவும் கூறப்பட்டுள்ளது. இந்த செயற்கைக்கோள் ஆகஸ்ட் 15 ஆம் தேதி சுதந்திர தினத்தில் ஆந்திரப் பிரதேசத்தில் உள்ள ஸ்ரீஹரிகோட்டாவில் இருந்து ஏவப்படும் என்றும் தெரிவிக்கப்பட்டுள்ளது.
EOS-08 பணியின் முதன்மை நோக்கங்களில் மைக்ரோசாட்லைட்டை வடிவமைத்தல் மற்றும் உருவாக்குதல், மைக்ரோசாட்லைட் பஸ்ஸுடன் இணக்கமான பேலோட் கருவிகளை உருவாக்குதல் மற்றும் எதிர்காலத்தில் செயல்படும் செயற்கைக்கோள்களுக்கு தேவையான புதிய தொழில்நுட்பங்களை இணைத்தல் ஆகியவை அடங்கும் என்று இஸ்ரோ ஒரு அறிக்கையில் தெரிவித்துள்ளது.
எஸ்.ஓ.எஸ்-8 செயற்கைக் கோள் மூன்று பேலோடுகளைக் கொண்டு அனுப்பபட்டுள்ளது. எலக்ட்ரோ ஆப்டிகல் இன்ஃப்ராரெட் பேலோடு (EOIR), குளோபல் நேவிகேஷன் சாட்டிலைட் சிஸ்டம்-ரிஃப்ளெக்டோமெட்ரி பேலோட் (GNSS-R) மற்றும் SiC UV டோசிமீட்டர் ஆகியவையாகும்.
EOIR பேலோட், செயற்கைக்கோள் அடிப்படையிலான கண்காணிப்பு, பேரிடர் கண்காணிப்பு, சுற்றுச்சூழல் கண்காணிப்பு, இரவும் பகலும், மிட்-வேவ் ஐஆர் (எம்ஐஆர்) மற்றும் லாங்-வேவ் ஐஆர் (எல்விஐஆர்) பேண்டுகளில் படங்களைப் பிடிக்க வடிவமைக்கப்பட்டுள்ளது. எரிமலை செயல்பாடு கண்காணிப்பு மற்றும் தொழில்துறை மற்றும் மின் நிலைய பேரிடர் கண்காணிப்பு ஆகியவை இந்த பேலோடின் செயல்பாடாகும்.
நன்றி indianexpress