உதயநிதி ஸ்டாலின் கலந்து கொள்ளும் அரசு விழா – மீண்டும் பிரமாண்டத்தை நிலைநிறுத்தும் அமைச்சர் மூர்த்தி

இந்த விழா குறித்து மதுரை அமைச்சர் பி.மூர்த்தி, மாநகர் மாவட்ட செயலாளர் கோ.தளபதி, தெற்கு மாவட்ட செயலாளர் சேடப்பட்டி மணிமாறன் வெளியிட்டுள்ள அறிக்கையில், “முதல்வர் ஸ்டாலின் அறிவிப்புக்கு இணங்க மதுரை மாவட்டத்தில் நலத்திட்ட உதவிகள் வழங்கப்பட்டு வருகிறது. அதில் மைல் கல்லாக 22 ஆயிரம் பயனாளிகளுக்கு நலத்திட்ட உதவிகளை உதயநிதி ஸ்டாலின் 9-ஆம் தேதி வழங்குகிறார். இந்த விழாவில் கலந்துகொள்ள 8 ஆம் தேதி மாலை மதுரை வரும் உதயநிதிக்கு விமான நிலையத்திலிருந்து வருகின்ற வழியில் கொடியுடன் தொண்டர்கள் சிறப்பான வரவேற்பு அளிக்க வேண்டும்” என்று கேட்டுள்ளனர்.

இந்த நிகழ்ச்சிக்கான பயனாளிகள் தேர்வு முதல் பந்தல் ஏற்பாடுகள் வரை கட்சியினருடன் சேர்ந்து கலெக்டர், மாநகராட்சி கமிஷனரும் நேரில் சென்று கவனித்து வருகிறார்கள். இரண்டு லட்சம் பேர் அமரும் வகையில் பிரமாண்ட பந்தல் போடப்பட்டு, கலைஞர் நூற்றாண்டு நூலக மாதிரியுடன் கூடிய அலங்காரங்கள் அமைக்கப்பட்டு வருகிறது.