பீகார் தலைநகர் பாட்னாவை, புது டெல்லிக்கு இணைக்கும் புதிய ரயில், அக்.30ஆம் தேதி காலை 8:25 மணிக்கு தலைநகர் டெல்லியில் இருந்து தனது பயணத்தைத் தொடங்கி, 994 கிமீ தூரத்தை இரவு 8 மணிக்குள் அதாவது, 11 மணி 30 நிமிடங்களில் தனது இலக்கை அடைய திட்டமிடப்பட்டது.
தீபாவளி மற்றும் சத் பூஜைக்கு முன்னதாக, புது டெல்லி – பாட்னா இடையே இந்தியாவின் மிக நீளமான வந்தே பாரத் எக்ஸ்பிரஸ் ரயிலை இந்திய ரயில்வே துவக்கியது.
நாட்டின் விரிவடைந்து வரும் அதிவேக ரயில் நெட்வொர்க்கை மேம்படுத்துவதை நோக்கமாகக் கொண்டு வந்தே பாரத் எக்ஸ்பிரஸ் ரயில்கள் வடிவமைக்கப்பட்டுள்ளன. இந்நிலையில், தீபாவளி மற்றும் சத் பூஜைக்கு முன்னதாக, இந்தியாவின் மிக நீளமான வந்தே பாரத் எக்ஸ்பிரஸ் ரயிலை இந்திய ரயில்வே கொடியசைத்து துவக்கி வைத்தது.
பீகார் தலைநகர் பாட்னாவை, புது டெல்லிக்கு இணைக்கும் புதிய ரயில், அக்.30ஆம் தேதி காலை 8:25 மணிக்கு தலைநகர் டெல்லியில் இருந்து தனது பயணத்தைத் தொடங்கி, 994 கிமீ தூரத்தை இரவு 8 மணிக்குள் அதாவது, 11 மணி 30 நிமிடங்களில் தனது இலக்கை அடைய திட்டமிடப்பட்டது.
இந்திய ரயில்வே அமைச்சகத்தின் கூற்றுப்படி, சோதனை அடிப்படையில் இயக்கப்படும் இந்த சிறப்பு ரயில், அர்ரா, பக்சர், பண்டிட் தீன் தயாள் உபாத்யாய், பிரயாக்ராஜ் மற்றும் கான்பூர் ஆகிய இடங்களில் நிறுத்தப்படும். புது டெல்லி – பாட்னா வந்தே பாரத் எக்ஸ்பிரஸ் பயணிகளுக்கு விரைவான மற்றும் ஆடம்பரமான பயண அனுபவத்தை வழங்குவதை உறுதி செய்கிறது.