அமெரிக்காவின் அடுத்த அதிபர் இவர்தான்.. அடித்து சொல்லும் தேர்தல் நாஸ்ட்ரடாமஸ்.. இவரோட 9 கணிப்புகளும் பலிச்சிருக்காம்!

இதனால் இவரது கணிப்பு மக்கள் மத்தியில் பெரும் எதிர்பார்ப்பை ஏற்படுத்தியிருந்தது. இந்நிலையில் நடைபெற உள்ள அமெரிக்க அதிபர் தேர்தலில் ஜனநாயகக் கட்சியின் வேட்பாளரான கமலா ஹாரிஸ் தான் வெற்றி பெறுவார் என்றும் அவர்தான் அமெரிக்காவின் அடுத்த அதிபராக வருவார் என்றும் கணித்துள்ளார் ஆலன் லிச்ட்மேன்.

ஆலன் லிச்ட்மேனின் கணிப்பு வழக்கமான கருத்துக் கணிப்புகள் மற்றும் கணக்கெடுப்புகளைக் காட்டிலும் 1981 இல் அவர் உருவாக்கிய “13 Keys” தொகுப்பை அடிப்படையாகக் கொண்டது. இந்த 13 Keys-களில் பதவி, இடைக்கால ஆதாயங்கள், மூன்றாம் தரப்பு வேட்பாளர்கள் மற்றும் பல அரசியல் மற்றும் பொருளாதார அளவீடுகள் போன்ற காரணிகள் இடம்பெற்றுள்ளன.

ஆலன் லிச்ட்மேன் தனது புவி இயற்பியல் நண்பரான விளாடிமிர் கெய்லிஸ்-போரோக்குடன் இணைந்து இந்த முறையை உருவாக்கினார். பதவிக்காலம், இடைக்கால ஆதாயங்கள், மூன்றாம் தரப்பு வேட்பாளர்கள், குறுகிய கால பொருளாதாரம், நீண்ட கால பொருளாதாரம், சமூக அமைதியின்மை, வெள்ளை மாளிகை ஊழல், பதவியில் உள்ள மற்றும் சவாலான கவர்ச்சி போன்றவற்றை உள்ளடக்கியது.

இதன் அடிப்படையில் 2024 அதிபர் ரேஸில், ஜனநாயகக்கட்சியின் வேட்பாளரான கமலா ஹாரிஸ் தனக்கு ஆதரவாக இந்த எட்டு Key-களை வைத்திருப்பதாக லிச்ட்மேன் தெரிவித்துள்ளார். இது அவரது வெற்றியை உறுதிப்படுத்த போதுமானது என்றும் வரலாற்றாசிரியரான ஆலன் லிச்ட்மேன் கூறிள்ளார். “கமலா ஹாரிஸ் 13 Key-களில் எட்டில் நல்லவர், எனவே வெள்ளை மாளிகையின் Key-கள் அவரிடம் உள்ளன” என்று லிச்ட்மேன் குறிப்பிட்டுள்ளார்.